«Әсәйҙәр – тормош биҙәге» музыкаль-әҙәби кисә!

 

 

Рәсәйҙә 24 ноябрь иң матур байрамдарҙың береһе – Әсәйҙәр көнө билдәләнә.

Әсәй! Ер йѳҙѳндәге иң гүзәл, иң ғәзиз, иң яғымлы һүҙ – ул Әсәй! Шул һүҙ менән баланың теле асыла һәм ул бѳтә телдәрҙә лә берҙәй яғымлы яңғырай. Һәр кемдең дә иң ҡәҙерле кешеһе – әсәй. Әсәнең йомшаҡ ҡулдарын, мѳләйем ҡарашын, наҙлы һүҙҙәрен бер нимә менән дә сағыштырып булмайҙыр.

Әсә… Ниндәй бөйөк исем…
Нимә етә әсә булыуға?!                                                                                                                                                                              Ҡатындарҙың бөтөн матурлығы,
 Сибәрлеге әсә булыуҙа.

Хөрмәтле гүзәл заттар! Әсә көнө менән ихлас күңелдән ҡотлайбыҙ!

 Киләсәктә ғүмер миҙгеленең ҡәҙерен белеп, һәр атҡан таңға ҡыуанып, изгелек орлоҡтарын сәсеп йәшәһәң
генә был тормоштоң матурлығын күрергә мөмкин. Ошо сифаттарға эйә булған оло йөрәкле, ҡәҙерле әсәйҙәр һеҙгә ныҡлы һаулыҡ, оҙон ғүмер, ғаилә именлеге теләйбеҙ. Балаларығыҙҙың ҡәҙер-хөрмәтенә төрөнөп, уларҙың изгелектәрен күреп йәшәргә насип булһын!